މިހާތަނަށް 48 ފުލުހަކަށް ފިޔަވަޅު އަޅައި 17 ފުލުހަކު ވަޒީފާއިން ވަކިކޮށްފައިވާ ކަމަށް ކޮމިޝަނާ އޮފް ޕޮލިސް އަލީ ޝުޖާއު މިއަދު ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ސީޕީ ޝުޖާއު ވިދާޅުވީ ފުލުހުންގެ މުއައްސަސާ އިތުރަށް ހަރުދަނާކުރުމުގެ ގޮތުން ގިނަ މަސައްކަތްތަކެއް ކުރަމުން ގެންދާ ކަމަށެވެ.
އެގޮތުން މިއަހަރުގެ ސެޕްޓެމްބަރުގެ ނިޔަލަށް ވަކިވަކި ފުލުހުންނާ ބެހޭގޮތުން ފުލުހުންގެ އިދާރާއަށް ހުށައަޅާފައިވާ މައްސަލަތައް ބަލައި ގިނަ މައްސަލަތަކުގައި ފުލުހުންނަށް ފިޔަވަޅުވެސް އަޅާފައި ވާކަމަށް ޝުޖާއު ވިދާޅުވިއެވެ.
ޝުޖާއު ވިދާޅުވީ މިއަހަރުގެ ސެޕްޓެމްބަރު މަހުގެ ނިޔަލަށް 48 ފުލުހަކަށް ފިޔަވަޅު އަޅާފައިވާއިރު އޭގެ ތެރެއިން 17 މީހަކު ވަނީ ވަޒީފާއިން ވަކިކޮށްފައި ކަމަށެވެ.
އަދި ފުލުހުންގެ ޕްރޮފެޝަނަލިޒަމް ހިފެހެއްޓުމަށް ކުރަމުންދާ މަސައްކަތް ހުއްޓުމެއްނެތި ކުރިއަށް ގެންދަވާ ކަމަށްވެސް ޝުޖާއު ވިދާޅުވިއެވެ.
