މި ސަރުކާރުން ކުރިއަށް ގެންދާ ފަސް މިލިއަން ގަސް އިންދުމުގެ ޕްރޮގްރާމްގެ ދަށުން ސްޓެލްކޯއިން 52000އަށް ވުރެ ގިނަ ގަސް އިންދައިފި އެވެ.
ސްޓެލްކޯއިން އިއްޔެ އެކްސްގައި ބުނީ މިދިޔަ ޖޫން މަހުގެ ފަސް ވަނަ ދުވަހުން ފެށިގެން މިދިޔަ ހޮނިހިރުގެ ނިޔަލަށް 52334 ގަސް އިންދާފައިވާ ކަމަށެވެ.
ސްޓެލްކޯއިން ޓާގެޓްކޮށްފައި ވަނީ އެ ކުންފުނިން ފަސް އަހަރުން ފަސް ލައްކަ ގަސް އިންދުމަށެވެ.
ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ އެކްސްގައި ވިދާޅުވީ ޓާގެޓަށް ވާސިލުވެވޭ ވަރަށް ގަސް އިންދެމުންދާ ކަމަށެވެ.
އެގޮތުން މަހަކު 8340 ގަސް އިންދެމުންދާކަން އޭނާ ފާހަގަ ކުރެއްވި އެވެ.
ފަސް މިލިއަން ގަސް ޕްރޮގްރާމަކީ ރައީސް ޑރ. މުހައްމަދު މުއިއްޒުގެ ތަސައްވުރެއްކަން އެމްޑީ ފާހަކަ ކުރައްވައި ވަނީ އެމަނިކުފާނަށް ޝުކުރު އަދާކުރައްވައިފަ އެވެ.
އަދި ރައީސްގެ އެ ނިންމެވުމުގެ މުހިންމުކަން މިހާރުން މިހާރަށް ނޭނގުނަސް އެ ޕްރޮގްރާމްގެ ނަފާ މިއަދާއި މުސްތަގުބަލުގެ ދަރިންނަށް ކުރާނެކަމަށް ވެސް އެމްޑީ ވިދާޅުވި އެވެ.
