ފޮރިން މިނިސްޓަރު ޑރ. އަބްދުﷲ، ޚަލީލު އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރާއި ބައްދަލުކުރައްވައި، ދެ ގައުމުގެ ދެމެދުގައި ރަސްމީ ވާހަކަތައް ބާއްވައިފި އެވެ.
މި ބައްދަލުވުމުގައި ފޮރިން މިނިސްޓަރު ހަލީލު ދެއްކެވި ވާހަކަފުޅުގައި ވަނީ އިންޑިއާ އިން ރާއްޖެއަށް ފޯރުކޮށްދެމުންދާ އެހީތައް ފާހަގަކުރައްވައި ޝުކުރު އަދާކުރައްވާފަ އެވެ. އިންޑިއާ އަކީ އަބަދުވެސް ރާއްޖެއާއެކު ދެމި އޮތް ގައުމެއް ކަމަށާއި ދެގައުމުގެ ދެމެދުގައި އޮތް ގުޅުން އިތުރަށް ބަދަހިކުރަން އިންޑިއާ ސަރުކާރާއެކު ގާތުން މަސައްކަތް ކުރައްވަން ރައީސް ޑރ. މުހައްމަދު މުއިއްޒު ތައްޔާރަށް ހުންނެވި ކަމަށްވެސް ހަލީލު ވިދާޅުވި އެވެ.
މިއީ މަގާމާއި ހަވާލުވެވަޑައިގެންނެވި ފަހުން ހަލީލު އިންޑިއާ އަށް ކުރައްވާ ފުރަތަމަ ރަސްމީ ދަތުރުފުޅު ކަން ފާހަގަކުރެވެއެވެ.
