ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހުވަދު އަތޮޅަށް ކުރައްވަމުން ގެންދަވާ ދަތުރުފުޅުގައި އެ އަތޮޅުގެ ރަށް ރަށަށް ވަަޑައިގަތުމުން ވަރަށް ހޫނު މަރުޙާބާއެއް ކިޔާ އިޙްތިރާމާއި ލޯބި ބަންޑުންކޮށްލާ މަންޒަރުތައް ފެންނާން ފަށައިފިއެވެ.
ސޯޝަލް މީޑިޔާގައި ފެތުރެމުންދާ ފޮޓޯތަކާއި ވީޑިއޯތަކުން ރަށް ރަށުގެ ރައްޔިތުން ބަނދަރުމައްޗަށް ނިކުމެ ކޮޅާ ކޮޅު ނުފެންނަ ވަރަށް ދިގު ސަފުތަކަށް އެތުރިލައި، ސެލްފީތައް ނަގާން ކިޔޫ ހަދާ މަންޒަރުތަކުން ރަމްޒުކޮށްދެނީ އެމަނިކުފާނު ތަންފީޒުކުރައްވަމުން ގެންދަވާ ސިޔާސަތުތައް ރައްޔިތުންނަށް ކަމުގޮސް ބަލައިގެންފި ކަމެވެ.
ޑޮލަރުގެ ތާށިކަން ޙައްލުކުރެއްވުމަށް އެޅުއްވި ފިޔަވަޅުތަކާއި، އާސަންދަ އިސްލާޙް ކުރެއްވުމާއި، ޓެކްސުން އާމްދަނީ އިތުރުކުރެއްވުމާއި، ބިދޭސީންނާއި ޑްރަގާއި ގޭންގު ކުއްތަކާއި ގުޅިގެން އަޅާ ހަރުދަނާ ފިޔަވަޅުތަކާއި ދުންފަތް ކޮންޓްރޯލު ކުރެއްވުމާއި، ފެންވަރު ރަނގަޅު ބޭސް ހޯދުމާއި، ފަތުރުވެރިކަމުގެ ޞިނާޢަތް ފުޅާކުރެއްވުމާއި، ޤައުމީ އެއާލައިން ތަރައްޤީކުރެއްވުމާއި، ބަންކަރިން ޚިދުމަތް ތަޢާރަފުކުރެއްވުމާއި، ދަރަނި ކުޑަކުރެއްވުމުގެ އިތުރުން ސިޔާސީ މަޤާމުތައް މަދުކުރެއްވުން ހިމެނެއެވެ.
