ވެލާނާ އިންޓަނޭޝަނަލް އެއާޕޯޓުން 44 ގްރާމުގެ ޑައިމޯފިނާއެކު ހައްޔަރުކުރެވުނު މާލޭ ވ. ސެޓަލައިޓް، މުހައްމަދު ނައީމަށް 25 އަހަރުގެ ޖަލު ހުކުމެއް އިއްވައިފިއެވެ.
ކްރިމިނަލް ކޯޓުން މައްސަލަ ނިންމީ 2023 ވަނަ އަހަރުގެ ޑިސެންބަރު 31 ވަނަ ދުވަހުއެވެ. ނައީމްގެ މައްޗަށް ކުރެވުނު ޑައިމޯފިން ޓްރެފިކް ކުރުމުގެ ދައުވާ ޝައްކެއްނެތް މިންވަރަށް ސާބިތުވާ ކަމަށް ކަނޑައަޅައި، 25 އަހަރުގެ ޖަލު ހުކުމާއެކު އެއްލައްކަ ރުފިޔާއިން ޖޫރިމަނާ ކުރުމަށް ނިންމިއެވެ.
ފުލުހުންގެ އިންޓެލިޖެންސްއަށް ލިބުނު މައުލޫމާތަކާ ގުޅިގެން 2021 ވަނަ އަހަރުގެ ނޮވެންބަރު 4 ވަނަ ދުވަހުގެ ހެނދުނު 5:30 ގައި ނައީމް ހައްޔަރުކުރެވުނެވެ. އޭނާ ހައްޔަރުކުރެވުނު އިރު، ޖިންސީ ގުނަވަނުގައި ޓޭޕް އަޅައި މަސްތުވާތަކެތި ފޮރުވާފައި ހުރި ކަމަށް އޭނާ އިއުތިރާފުވިއެވެ.
ކޯޓުގައި ނައީމް ބުނެފައިވަނީ އޭނާ އެއާޕޯޓަށް ދިޔައީ ގއ. މާމެންދޫއަށް ދިއުމަށް ކަމަށެވެ. އަދި އޭނާއަކީ މަސްތުވާތަކެތި ބޭނުންކުރާ މީހެއް ކަމަށާއި، އޭނާގެ އަތުން ފެނުނު މަސްތުވާތަކެތީގެ ބަރުދަން ދައުވާގައި ބުނާ މިންވަރަށް ނުހުންނާނެ ކަމަށް ބުންޏެވެ. ނަމަވެސް އެކަން ސާބިތުކޮށްދެވިފައެއް ނުވެއެވެ.
އޭނާގެ އަތުން 44.3 ގްރާމުގެ ޑައިމޯފިން ފެނުނު
އެއްލައްކަ ރުފިޔާއިން ޖޫރިމަނާ ކުރި
ޖިންސީ ގުނަވަނުގައި މަސްތުވާތަކެތި ފޮރުވައިގެން ހުރި ކަމަށް އިއުތިރާފުވި
ބަންދުގައި ހުރި މުއްދަތު އުނިކުރުމަށްފަހު ތަންފީޒުކުރަންޖެހޭނީ 24 އަހަރާއި 9 މަހާއި 12 ދުވަސް
