ރައީސް ޑރ. މުއިއްޒުގެ ވެރިކަމުގައި އެންމެ ހިދުމަތްތެރި ވަޒީރަކީ ދާހިލީ ވަޒީރު އިހްސާނު ކަމާއި މެދު ދެބަސްވެވާނެ ރައްޔިތެއް ނެތެވެ.
އެމްޑީޕީ އާއި އެޕާޓީގެ ޗެއަރޕާސަން ބަގުރޫޓް ފައްޔާޒު މިނިސްޓަރ އިހްސާނުގެ މެޔަށް ޒަހަރުގެ ހަންޖަރު އަމާޒުކޮށްފައިވާތަން ދުވަސްތަކެއް ވެއްޖެ އެވެ. ސަބަބަކީ ރައީސް ޑރ. މުއިއްޒުގެ އެންމެ ހިންގުންތެރި ވަޒީރުންގެ ގޮތުގައި މިނިސްޓަރ އިހްސާން ފާހަގަ ވެގެންދިއުމެވެ.
ރައީސް ޑރ. މުއިއްޒުގެ މި އޯގާތެރި ސަރުކާރު ފުޑުފުޑުކޮށްލުމަށް މިނިސްޓަރ އިހްސާން ދުވަސް ދުއްވާލައި ސިޔާސީ ގޮތުން ކަތިލުން ނޫން ގޮތެއް ނެތްކަން އެމްޑީޕީ އާއި ބަގުރޫޓް ފައްޔާޒަށް ހަމަ ރަގަޅަށް އިނގެ އެވެ.
ގައުމުގައި ހުރި ޒަމާންވީ މައްސަލަތަކަށް އަވަސް ހައްލުތަކެއް ހޯއްދެވުމަށް ޖެހިލުން ކުޑަ ހިތްވަރުގަދަ ނިންމުންތަކެއް އެމަނިކުފާނު ނިންމަވައިފި އެވެ.
ދިވެހި ވިޔަފާރިވެރިންނާއި ރައްޔިތުންނަށް ވަބާއަކަށް ވެފައިވާ ބިދޭސީންގެ މައްސަލައަށް އެކަށީގެންވާ ބޮޑު ހައްލެއް ހޯދައިފި އެވެ. ގޭންގް ކުއްތަކާއި ޑްރަގް ނެޓްވޯކްތަކާއި ޑްރަގް ވިޔަފާރި ކުރާ ފަރާތްތަކަށް ބިރުވެރިކަން ދެއްވައިފި އެވެ. ޔުނިފޯމް މުއައްސާތަކުގެ ތެރޭގައި އަށަގެންފައިވާ ކަރަޕްޝަނުގެ ނުބައި ވަބާ ހުއްޓުވުމުގެ ހިތްވަރުގަދަ މަސައްކަތް ފައްޓަވައިފި އެވެ.
އެމްޑީޕީ ވެރިކަމުގައި މިމައްސަލަތައް ހައްލު ކުރުމަށް ނުހަނު ބޭނުންވި ކަމަށް ބުނަމުން އެ ސަރުކާރުގެ ބާރުގަދަ މިނިސްޓަރ ކަމަށް ދައުވާ ކުރާ ފައްޔާޒު ހަވާލުވި އެވެ. އެހެންނަމަވެސް އެއްވެސް ކަމެއް ހާސިލް ނުކުރެވި ވީ ބަގުރޫޓެވެ.
ފައްޔާޒުގެ ހާއްސަ ހަސަދަވެރިކަމެއް މިނިސްޓަރ އިހްސާނާއި މެދު އުފެދިފައި ވަނީ މިނިސްޓަރު ކަމާއި ހަވާލުވެ ވަޑައިގެން އެމަނިކުފާނު ފައްޔާޒަށް ނުވި މިފަދަ މައްސަލަތައް ހައްލު ކުރާތީ ކަމަށް ބެލެވެ އެވެ.
މިނިސްޓަރ އިހްސާނުގެ ސިޔާސީ ހަޔާތް ވެއްޔާ މޮޑެލުމަށް އިއްޔެއިން ފެށިގެން އޭއައި މެދުވެރިކޮށް އުފައްދާފައިވާ ފޮޓޯތަކާއި ވީޑިޔޯ ބޭނުން ކޮށގެން އިދިކޮޅު ފަރާތްތަކުން ކުރަމުން ދިޔަ މަސައްކަތް ވެސް މިހާރު ވަނީ ރައްޔިތުންނަށް ހާމަވެފަ އެވެ.
