ސިކުންތަކު 100 ޖީބީގެ ދުވެލީގައި އަގުހެޔޮކޮށް ރާއްޖެއަށް އިންޓަނެޓްގެ ހިދުމަތް ފޯރުކޮށްދިނުމަށް އެމްޑީޕީ ސަރުކާރުން އިންޑިއާގެ ރިލަޔަންސް ޖިއޯ ކުންފުންޏާ އެކު ހެދި އެއްބަސްވުން ޖީއެމްއާރު އެއްބަސްވުމަށް ވުރެ ނުބައިވެ އެއްބަސްވުމާއި އެއްގޮތަށް ބަގުރޫޓް ފައްޔާޒު ފައިސާ ދައްކާފައި ނެތުމުން ދިވެހި ދައުލަތަށް ބޮޑު ގެއްލުމެއް ވެއްޖެ އެވެ.
ސަރުކާރު ހިއްސާވެގެން އަަޅާ ފުރަތަމަ ސަބްމެރިން ކޭބަލް އެޅުމަށް އިންޑިއާގެ އެންމެ މުއްސަނދި މީހާ، މުކޭޝް އަމްބާނީގެ ރިލަޔަންސް ޖިއޯ ކުންފުންޏާ އެކު މިދިޔަ ސަރުކާރުން ސޮއިކުރީ ފެބްރުއަރީ 21، 2022 ވަނަ ދުވަހު އެވެ. އަދި ސަބްމެރިން ކޭބަލް ރާއްޖެއާ ގުޅާލީ އޮގަސްޓް 11، 2023 ވަނަ ދުވަހު އެވެ. އެހެނަމަވެސް ބަގުރޫޓް ފައްޔާޒު ޖިއޯއަށް ދައްކަން ޖެހޭ ފައިސާ ދައްކާފައެއް ނުވެ އެވެ.
އޯޝަން ކަނެކްޓްގެ ނަމުގައި ފެށި އެ ޕްރޮޖެކްޓަކީ ދިވެހި ރައްޔިތުންނަށް ހަލުވި ދުވެއްޔެއްގައި އަގުހެޔޮކޮށް އިންޓަނެޓްގެ ހިދުމަތް ފޯރުކޮށްދިނުމަށްޓަކައި ފެށި ޕްރޮޖެކްޓެކެވެ. އެހެންނަމަވެސް މި ޕްރޮޖެކްޓުން ބަގުރޫޓް ފައްޔާޒު ބޮޑު ކަޓުނަގައި ވަނީ ވައްކަން ކޮށްފަ އެވެ.
ރިލަޔަންސް ކުންފުންޏަށް ދައްކަންޖެހޭ ފައިސާގެ ތެރެއިން އެންމެ 12 މިލިއަން ޑޮލަރު މިދިޔަ ސަރުކާރުން ވަނީ ދައްކައިފަ އެވެ. މިދިޔަ ސަރުކާރު ނިމުނުއިރު، އެ ކުންފުންޏަށް ދައްކަންޖެހޭ ބާކީ އެތައް މިލިޔަން ޑޮލަރެއް ދައްކާފަ އެއް ނުވެ އެވެ. އަދި އެކޭބަލް އަޅައި ނިންމާފައި ވާއިރު ވެސް ވަގުރޫޓް ފައްޔާޒު ފައިސާ ނުދެއްކި އެވެ.
