އުއްތަމަ ފަނޑީޔާރު މުއުތަސިމް އަދުނާނު ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމް ޢައި އެކު ސިއްރު ބައްދަލުވުންތަކެއް ބޭއްވިކަމަށް ކުރީގެ ރައީސް އަބްދުﷲ ޔަމީން ދެއްކެވި ވާހަކަތައް ސުޕްރީމް ކޯޓުން ދޮގުކޮށްފި އެވެ.
ރައީސް ޔަމީންގެ ޕީއެންއެފް އިން ރޭ ބޭއްވި ޖަލްސާގައި ޔާމީން ވިދާޅުވީ އުއްތަމަ ފަނޑީޔާރު މިހާރު ހުންނެވީ ”ކޮމްޕްރޮމައިސް“ ވެފައި ކަމަށާ ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމް އާއި އެކު ޗޭނު އެޅުވިފައި ކަމަށެވެ.
އުއްތަމަ ފަނޑީޔާރު ހުންނަވައިގެން އަދުލު އިންސާފުގާއިމް ކުރެވޭނެ ކަމަށް ގަބޫލު ނުކުރައްވާ ކަމަށާ އިންސާފު ގާއިމްވެގެންދާތަން ނުފެންނަ ކަމަށް ޔާމީން ވިދާޅުވި އެވެ.
ޔާމީން ވިދާޅުވީ އުއްތަމަ ފަނޑީޔާރު މަޖިލީހުގެ ނައިބު ރައީސް ނާޒިމް އާއި އެކު ސިއްރު ބައްދަލުވުމެއް ބާއްވާފައި ވާކަމަށާ އެވބައްދަލުވުން ބާއްާފައިވަނީ ރިސޯޓެއްގަިއ ކަމަށް ޔާމީން ވިދާޅުވި އެވެ.
ޔާމީންގެ އެވާހަކަތައް ސުޕްރީމް ކޯޓުން ވަނީ ދޮގުކޮށްފަ އެވެ. ސުޕްރީމް ކޯޓުގެ އޮފިޝަލަކު މެންދުރު ޓީވީ އަށް ވިދާޅުވީ އެފަދަ ބައްދަލުވުންތަކެއް އުއްތަމަ ފަނޑިޔާރު ނުބާއްވާ ކަމަށެވެ. އެ ވާހަކަތަކަކީ ހަގީގަތެއްނެތް ދޮގު ވާހަކަތަކެއް ކަމަށް ސުޕްރީމް ކޯޓުން ބުނެ އެވެ.
“ އެއީ ދޮގެއް އިނގޭތޯ އެބުނާ ކަހަލަ ބައްދަލުވުމެއް އުއްތަމަ ފަނޑިޔާރު އެބޭފުޅާކާ ނުބާއްވާ އެއީ ކަނޑައެޅިގެން ދޮގެއް“
ޔާމީން މިހެން ވިދާޅުވި އިރު ރައްޔިތުންގެ މަޖިލީހުގެ މެމްބަރުންގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ބާތިލްކުރަން ސުޕްރީމް ކޯޓަށް ވަނީ ހުށަހަޅާފަ އެވެ. އަދި މި މައްސަލަ ކުރިއަށް ދަނިކޮށް ސުޕްރީމް ކޯޓުގެ 3 ފަނޑިޔާރުން ވަނީ ސަސްޕެންޑުކޮށްފަ އެވެ.ސުޕްރީމް ކޯޓުގެ ފަނޑިޔާރުންކަމަށްވާ އަލްއުސްތާޛު ޙުސްނުއްސުޢޫދުއާއި ފަނޑިޔާރު ޑރ. އަޒްމިރާލްދާ ޒާހިރު އަދި ފަނޑިޔާރު އަލްއުސްތާޛު މަޙާޒު ޢަލީ ޒާހިރުގެ މައްޗަށް ތުހުމަތުކުރެވޭ ޖިނާއީ ކުށުގެ މައްސަލައެއް އެންޓި-ކޮރަޕްޝަން ކޮމިޝަން (އޭސީސީ)ން ބަލަމުން އަންނަ ކަމަށް ބުނެ ޖޭއެސްސީން ވަނީ އެ ފަނޑިޔާރުން ސަސްޕެންޑު ކޮށްފަ އެވެ.
