މިފެށުނީ އަކީ އިސްލާމީ އާއަހަރެއް ނޫންކަމަށާއި، މި ފެށުނީ ހިޖުރީ އާ އަހަރުކަން ކުރީގެ ރައީސް މައުމޫން އަބްދުލްގައްޔޫމް ހަނދާންކޮށްދެއްވައިފިއެވެ.
މީލާދީގޮތުން ޖޫން 26 ވީ ބުރާސްފަތި ދުވަހު ވަނީ ހިޖުރީ އައު އަހަރުފެށިފައެވެ. އެދުވަހާއި ގުޅުވައިގެން ބައެއް މީހުން އެއީ އިސްލާމީ އައު އަހަރުގޮތުގައި ބުނަމުން އާދެއެވެ.
ކުރީގެ ރައީސް މައުމޫން ވަނީ މިކަމާއި ގުޅިގެން އެކްސްގައި ޕޯސްޓެއް ކުރަށްވާފައެވެ.
‘’މާފުކުރައްވާށެވެ! މިފެށުނީ އަކީ އިސްލާމީ އާއަހަރެއް ނޫނެވެ. ހިޖުރީ އާ އަހަރެކެވެ. 1447 އަކީ ”ހިޖުރީ“ އަހަރެކެވެ. އިސްލާމީއޭ ބުނެވޭނީ ހަމައެކަނި ޤުރްއާނުން ނުވަތަ ސުންނަތުން ސާބިތުވާ ނުވަތަ ދެނެގަނެވޭ ކަންކަމަށެވެ.’’ މައުމޫން ވިދާޅުވެފަވެއެވެ.
ހިޖުރީ އައު އަހަރަކަީ މަދީނާއަށް ކީރިތި ރަސޫލާ ހިޖުރަ ކުރެއްވި އަހަރުން ފެށިގެން ޖަހަމުން އަންނަ ތާރީޚުގެ އަހަރެވެ.
