އުމްރާގެ އަޅުކަމަށް 1.2 މިލިއަން މީހުން ސައުދީއަށް ދަތުރުކޮށްފިއެވެ.
ސައުދީ އަރަބިއްޔާގެ ހައްޖު އެންޑް އުމްރާ މިނިސްޓްރީން އާންމުކޮށްފައިވާ މައުލޫމާތުން ހާމަވާގޮތުން އެ ގައުމަށް އުމްރާ ސީޒަންގައި މިހާތަނަށް 1.2 މިލިއަން އުމްރާވެރިން ޒިޔާރަތްކޮށްފައިވާ ކަމަށް ފާހަގަކޮށްފައިވެއެވެ.
ސައުދީގެ ކަމާބެހޭ މިނިސްޓްރީން ވަނީ އުމްރާގެ އަޅުކަމަށް އެ ގައުމަށް 109 ގައުމަކުން މީހުން އެތެރެވެފައިވާ ކަމަށް ރެކޯޑުތަކުން ދައްކާކަމަށް ފާހަގަކޮށްފައެވެ.
ސައުދީގެ އޮފިޝަލުން ވަނީ މިދިޔަ އަހަރުގެ މި މުއްދަތާ އަޅައިބަލާއިރު މިއަހަރު މިވަނީ އުމްރާގެ އަޅުކަމަށް އައި މީހުން 30 ޕސަންޓު އިތުރުވެފައިވާ ކަމަށް ބުނެފައެވެ.
ސައުދީއަށް އުމްރާވެރިން އެތެރެކުރުމަށް 4،200 ޖަމާއަތަކާއި އެއްބަސްވުން ހެދިފައިވާ ކަމަށްވެސް އޮފިޝަލުން ފާހަގަކޮށްފައިވެއެވެ.
މިއަހަރުގެ އުމްރާ ސީޒަންގައި ސައުދީން ވަނީ ނުސުކް ޕްލެޓްފޯމްގެ ނަމުގައި ހާއްސަ ޕްލެޓްފޯމެއްގެ އެހީގައި ވިސާގެ ކަންކަން ހަރުދަނާކޮށް އެ ގައުމަށް އެތެރެވާ މީހުންނަށް ލުއިފަސޭހަކޮށްދީފައެވެ.
