ދެން އުފެދޭ އެމްޑީޕީ ސަރުކާރެއްގައި ލާމަރުކަޒީ ޤާނޫނަށް މި ސަރުކާރުން ގެންނަ އިސްލާހުތައް އެމްޑީޕީން ބަދަލުކުރާނޭކަމަށާއި އިދިކޮޅު އެންމެބޮޑު ޕާޓީ، އެމްޑީޕީގެ ޗެއާޕާސަން ބަގުރޫޓް ފައްޔާޒު އިސްމާއިލް މިރޭ ވިދާޅުވެއްޖެއެވެ.
އެމްޑީޕީން މިރޭ ކުރިއަށްގެންދާ އެޕާޓީގެ ޤައުމީ މަޖިލީހުގެ 4 ވަނަ ދައުރުގެ 25 ވަނަ ޖަލްސާގައި ވާހަކަދައްކަވަމުން ބަގުރޫޓް ފައްޔާޒު ވަނީ މިހާރު ރާއްޖޭގެ ވެރިކަމުގައި އޮތީ ލާމަރުކަޒީ ނިޒާމާ ބީރައްޓެހި ސަރުކާރެއްކަން ފާހަގަކޮށް، ސަރުކާރުން ލާމަރުކަޒީ ނިޒާމަށް ގެނައުމަށް ނިންމި އިސްލާހްތަކަށް ވަރަށްބޮޑަށް ފާޑު ވިދާޅުވެ ވާހަކަދައްކަވާފައެވެ. ފައްޔާޒް ވިދާޅުވީ، ދެން އަންނާނީ އެމްޑީޕީގެ ވެރިކަމެއް ކަމަށާއި، އަދުގެ ސަރުކާރުން ލާމަރުކަޒީ ޤާނޫނަށް މިއަދު ގެނައި އިސްލާހްތައް އެމްޑީޕީން އަނބުރާ ގެންގޮސް، ލާމަރުކަޒީ ޤާނޫނުގެ ތެރެއިން ކައުންސިލްތަކަށް އިތުރު ބާރުވެރިކަންދީ ނާޗަރަންގީ ކުޅެ ތަޖުރިބާ ހޯދައިދެއްވާނޭކަމަށެވެ.
