ޗައިނާގެ ހުޅަނގު ދެކުނުން ދުރުވެފައިވާ ދެމަފިރިއަކު ވަރިކުރުމުގެ މަރުހަލާގައި 29 ކުކުޅު ބެހުން މައްސަލައަކަށް ވެގެން ދިޔަ އެވެ. ދޫނި ބެޗް އެއްވަރަކަށް ބަހާލުމަށް ބުނުމަށް ފަހު ގާޒީއަކު ވަނީ ވަރި ފައިނަލް ކުރުމުގެ ކުރިން އިތުރު ދޫނި ”ވަދާއީ ކެއުމުގެ“ ގޮތުގައި ކެއުމަށް ނަސޭހަތްތެރިވެފަ އެވެ.
އެ ޚިޔާލަކީ ހަމައެކަނި އަމަލީ ޚިޔާލެއް ނޫން ކަމަށާއި، ކޮންފިއުޝިއަން ފިކުރުގައި ވަރަށް ފުންކޮށް ބިންވަޅު ނެގިފައިވާ އަދި މީހުންނާއި މުޖުތަމަޢާއި ގުދުރަތުގެ މެދުގައި އެއްބައިވަންތަކަން އަގުކުރާ ޗައިނާގެ ސަގާފީ ޙިކުމަތް ވެސް ދައްކުވައިދޭ ޚިޔާލެކެވެ. ހަރުކަށި ގާނޫނީ އުސޫލުތަކަށް ބަރޯސާވުމުގެ ބަދަލުގައި، ޝެއަރޑް މީލްގައި ކޮންފިއުޝިއަން ކޮންސެޕްޓް ހިމެނީ، މިއީ ވަކިވުމުގެ ވަގުތުތަކުގައި ވެސް އިހުތިރާމާއި ބެލެންސް އުފެއްދުމަށް ރިޗުއަލް ޕްރޮޕްރިޓީ އަށް އިޝާރާތްކުރާ އެއްޗެކެވެ.
މެއިންލޭންޑް މީޑިއާ ޖިމޫ ނިއުސް އިން ބުނާ ގޮތުގައި ސިޗުއާން ޕްރޮވިންސްގެ އަވަށެއްގެ ޓޫ ނަމަކަށް ކިޔާ އަންހެނަކާއި އޭނާގެ ފިރިމީހާ ޔަންގް ވަނީ ދާދި ފަހުން ވަރިއަށް އެދިފަ އެވެ.
އެމީހުންގެ މައިގަނޑު އާމްދަނީ ލިބުނީ ދިރޭތަކެތި ގެންގުޅުމުން ކަމަށާއި، ދޭތެރެ ދޭތެރެއިން ޔަންގް ވެސް އުދަގޫ ވަޒީފާތައް އަދާކުރަމުން ދިޔަ ކަމަށެވެ. އަމިއްލައަށް ބިނާކުރި ގެދޮރު ފިޔަވައި އެމީހުންގެ އަތުގައި ބޮޑު މުދަލެއް ނެތެވެ. އެކި ރަށްރަށުން އައިސްފައިވާތީ، ލޯކަލް ގަވާއިދުތަކުގައި އެމީހުންގެ ގެދޮރުގެ މިލްކުވެރިކަން ނިންމުމުގެ ހުއްދަ ލިބުނެވެ.
ނަތީޖާއެއްގެ ގޮތުން އެމީހުންގެ އެސެޓް ޑިވިޝަންގެ ފޯކަސް ބަދަލުވީ އެމީހުން ގެންގުޅުނުނދިރޭތަކެއްޗަށެވެ. ރިޔާސަތު ބަލަހައްޓާ ގާޒީ ޗެން ކިއަން ވިދާޅުވީ އެ ދެމަފިރިން 53 ދޫނި ގެންގުޅުނު ކަމަށާއި އޭގެ ތެރޭގައި 29 ކުކުޅާއި 22 ގޫސް އަދި 2 އަސްދޫނި ހިމެނޭ ކަމަށެވެ. ގޫސް އާއި އަސްދޫނި ހަމަހަމަ ގޮތެއްގައި ބަހާލެވޭއިރު، ކުކުޅުތައް ވެގެން ދިޔައީ ޚިޔާލުތަފާތުވުންތަކުގެ ނުކުތާއަކަށެވެ.
މިދެމަފިރިން މައިންބަފައިންނާ މަޝްވަރާ ކުރި ނަމަވެސް އެއްވެސް ހައްލެއް ނުލިބުމުން ދަރިން ވަނީ އެކަމުގައި ބައިވެރިވާން ދެކޮޅު ހަދާފައެވެ.
ޓޫ ކޯޓުގައި ބުނީ އޭނާ އަމިއްލައަށް ކުކުޅު ގެންގުޅެފައިވާ ކަމަށާއި ޖަޒުބާތީ ގޮތުން އެ ކުކުޅުތަކާ ގުޅިފައިވާ ކަމަށާއި އެހެންކަމުން އޭނާއަށް އިތުރުވާ ކުކުޅު ހައްގު ކަމަށެވެ. ޖަނަވާރުތަކަށް އަޅާލުމަށް ވެސް ބޮޑު ވަގުތާއި ބުރަ މަސައްކަތެއް ކުރި ކަމަށް ބުނެ ޔަންގް އެކަމާ ދެކޮޅު ހެދި އެވެ.
އެއަށްފަހު ގާޒީ ޗެން ވަނީ މެދުވެރިކަމުގެ ދެ ގޮތެއް ހުށަހަޅުއްވާފައެވެ: އެއީ އެމީހުން އެކުގައި އިތުރު ކުކުޅު ކާން ނުވަތަ އެ ކުކުޅު ގެންގުޅޭ މީހާ އަނެއް ކުކުޅުގެ ބަދަލު ދޭށެވެ.
އާޚިރުގައި ދެމީހުން އެއްބަސްވީ ވަރިވުމުގެ ކުރިން ކުކުޅު ކައްކައިގެން އެކުގައި ކެއުމަށެވެ. އެއަށްފަހު ޔަންގް ޓޫ ގޮވައިގެން ގެއަށް ދިޔައީ އިލެކްޓްރިކް ބައިސްކަލެއްގައެވެ.
ދެމީހުންވެސް ނިންމީ މާލީ ގޮތުން މިނިވަންކަމާއެކު ދެމިތިބުމަށް ނަމަވެސް އެކަކު އަނެކަކަށް ތާއީދުކޮށް، އަސާސީ އެކުވެރިކަމެއް ދަމަހައްޓައިގެންނެވެ.
ރިޕޯޓްތައް ބުނާ ގޮތުގައި އެމީހުން 29 ވަނަ ކުކުޅު ވީ ”ވަދާއީ ކެއުމެއްގެ ގޮތުގައި“ ނަމަވެސް ވަކި ތަފްސީލެއް ހާމަކޮށްފައެއް ނުވެ އެވެ.
ގާޒީ ޗެން ވިދާޅުވީ ޕޯލްޓްރީގެ އެސެޓްތައް ބަހާއިރު ކާނާ ދިނުމުގެ ހަރަދާއި ގްރޯތް ސައިކަލް ފަދަ ކަންކަމަށް ވިސްނަން ޖެހޭ ކަމަށާއި އެއީ ހަމައެކަނި ޖަނަވާރުތައް ގުނުމަށް ވުރެ މާ ކޮމްޕްލެކްސް ކަމެއް ކަމަށެވެ. ”އެކީގައި ކުކުޅު ކެއުމަކީ ގާނޫނީ ގަވާއިދުތަކަށް ތަބާވާ އަދި ރަށްރަށުގެ އާދަކާދަތަކަށް އިހުތިރާމް ކުރާ ކަމެއް،“. އެއް ނެޓިޒަނަކު ބުނީ “ގާޒީ ހުށަހެޅީ އިންސާފުވެރި ހައްލެއް ނަމަވެސް އެކުކުޅަކީ އަސްލު ޝިކާރައަކަށް ވެފައިވާ ކުކުޅު” ކަމަށެވެ.
”ފަހަރެއްގައި ކުކުޅު ސޫޕެއް ހިއްސާ ކުރުމަށް ފަހު އެދެމަފިރިން ސުލްހަވެ ވަރި ނުކުރަން ނިންމީ ކަމަށް ވެދާނެ،“ އެހެން މީހަކު ކުޅޭކުޅޭ ގޮތަކަށް ބުންޏެވެ.
ޗައިނާގެ ވަރި ރޭޓް ދަނީ މައްޗަށް ގޮސް؛ 2023 ވަނަ އަހަރު ވަރިއަށް ރަޖިސްޓްރީ ކުރި 3.6 މިލިއަނަށް ވުރެ ގިނަ ދެމަފިރިން ކަމަށްވާއިރު، މިއީ 2022 ވަނަ އަހަރާ އަޅާބަލާއިރު ވަރަށް ބޮޑަށް މަތީ އަދަދެކެވެ.
ޗައިނާގެ ގާނޫނުގައިވާ ގޮތުން ކައިވެނީގެ ތެރޭގައި ހޯދާ މުދަލަކީ ޖޮއިންޓް އެސެޓެއްގެ ގޮތުގައި ބަލާއިރު، ދެ ފަރާތަށް ވެސް ހަމަހަމަ ގޮތެއްގައި ބަހާލުމުގެ ހައްގު ލިބިގެންވެ އެވެ.
