އުނދަގޫ ކަމާއެކު ފަސޭހަކަންވެއެވެ.
(إِنَّ مَعَ ٱلْعُسْرِ يُسْرًۭا) ” ދަތި އުނދަގުލައް ފަހުގަ ދެން ވަނީ ލުއިކަމެވެ.“ އަބަދު ނުހުއްނާނެ. މި ޙަޔާތުގަ މި އުޅަނދު ހަމަހިމޭން ކަމާ އެއްކޮށް ނޯއްނާނެ. އަޑިގުޑަން ހުރޭ. އެހެންވީމަ އަޅުގަނޑުމެން ހަނދާން ކުރަންވީ އަބަދުވެސް 24 ގަޑިއިރުތެރޭގަ އަޅުގަނޑުމެންގެ ސިކުނޑިން މި އާޔަތް ގެއްލިގެން ގޮސްގެން ނުވާނެ.
(إِنَّ مَعَ ٱلْعُسْرِ يُسْرًۭا) ” ދަތި އުނދަގުލާ އެކުގައޭ ލުއިކަންވަނީ.“ އެ ލުއިކަން އައީމަ، ދެން އެއްވެސްކަމެއް އުނދަގޫ ނުވާނެ. ފަސޭހަވާނެ. ނަމަވެސް އެކަމަށްޓަކާ އެންމެ މުހިއްމު އެއްޗަކީ ކެއްތެރިކަން އިސްކުރުން. މިއަދު އަޅުގަނޑުމެން ޙަޔާތުގަ މި ފެއިލްވުމުގެ އެންމެ ބޮޑު އެއް އަސާސަކީވެސް ކެއްތެރިކަމާ އަޅުގަނޑުމެންނަށް ދުރަށް ދެވުނީމަ. ﷲ ގެ މަޢިއްޔަތު ގެއްލިއްޖެ. ﷲ ގެ ނަޞްރާއި މަދަދު އަޅުގަނޑުމެންނާ ދުރަށް ހިނގައްޖެ. އަޅުގަނޑުމެންނަށް ހީވާކަހަލަ ނެތްހެން.
ނޫން، ﷲ ވަޙީކުރައްވަނީ (أَلَا إِنَّ نَصْرَ اللَّهِ قَرِيبٌ) “ ﷲ ގެ ނަޞްރާއި މަދަދު ވަނީ ކައިރީގައެވެ.“ ނަމަވެސް ޝަރުތަކީ އަޅުގަނޑުމެން މި ގަހަނާއިން ޒިނަތްތެރިވުން. އެހެންވީމަ ކެއްތެރިކަން އެންމެ ފުރަތަމަ އަޅުގަނޑުމެންގެ ކުރިމައްޗަށް އަންނަންޖެހޭނެ. މުޅި ޙަޔާތުގަ ކޮންމެ މައިދާނެއްގަ. އަޅުގަނޑު ވަރަށް ޔަޤީންކަމާ އެއްކޮށް ދަންނަވާލަން ބޭނުންވާ ނުކުތައަކީ، ޙަޔާތުގަ ކޮންމެ ކަމެއް ކާމިޔާބު ކުރުމަށްޓަކާވެސް އަޅުގަނޑުމެންނަށް އެންމެ މުހިއްމު ވަސީލަތަކީ ކެއްތެރިކަން.
