މެމްބަރ ސިނާނާއި ބެހޭ ގޮތުން ދައުރު ކުރަނީ އެފްއައިޔޫ ފޭކް ރިޕޯޓެއްކަން ފަޅާ އަރައިފިއެވެ.
އެފްއައިޔޫގެ ރިޕޯޓް ކަމަށް ބުނެ ފަތުރާ ފޭކް ރިޕޯޓްގައި ސިޔާސީ ގިނަ ވާހަކަތަކެއް ލިޔެ ނަންތައް ވެސް ހިމަނާފައި ވަނީ ނުބައިކޮށެވެ.
ރާއްޖެ ޓީވީން ދައުރުވަމުންދާ ފޭކް ރިޕޯޓާއި ގުޅޭ ގޮތުން އޭގައި ވަނީ މުހްތާޒް ނަން ކަމަށް ހީކޮށް މުހުތާޒުއަށް ގުޅުމުން އޭނާ ވަނީ މި ރިޕޯޓު ދޮގު ކުރައްވާފައެވެ. މުހުތާޒު ވިދާޅުވީ އެ ރިޕޯޓުގުގައި އޭނާގެ ނަން އެންމެ ތަނެއްގައި އިންނަމަވެސް ދެން އޭނާގެ ނަން އެހެންތަނެއްގައި ނެތް ކަމަށާއި، އެތަނުގައި އިނީ މުމްތާޒު ކިޔާ މީހެއްގެ ނަން ކަމަށެވެ. އެހެންކަމުން އެއީ އެފްއައިޔޫގެ ރިޕޯޓެއް ކަމަށް ބުނެ ކާކުކަން ނޭނގޭ ބަޔަކު ލާފައިވާ ރިޕޯޓެއް ކަމަށާއި، އޭގައި ހުރި ވާހަކަތަކަކީ ސައްހަ ވާހަކައެއް ނޫން ކަމަށާއި، އެކަމުގައި އިތުރަށް ދައްކާނެ ވާހަކައެއް ނެތް ކަމަށެވެ.
އެފްއައިޔޫގެ ރިޕޯޓު ސޯޝަލް މީޑިއާ ގައި ދައުރުވަމުންދާއިރު، އެމްއެމްއޭ އިން މި ރިޕޯޓުގެ އަސްލާ ބެހޭ ގޮތުން އެއްވެސް އެއްޗެއް ބުނެފައެއް ނުވެއެވެ.
