ގައުމު އެންމެ ބޮޑަށް މިހާރު ދިފާއު ކުރެވޭނީ ފޯނުން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ނަސްރުގެ ދުވަސް ފާހަގަ ކުރުމަށް ސޯޝަލް ސެންޓަރުގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޑރ. މުއިއްޒު ވިދާޅުވީ ގައުމު ދެކެ ލޯބިވާ ގައުމަށްޓަކައި ގުރުބާންވާން ތިބި ބަޔަކު އުފެއްދުމަކީ ގައުމަށްޓަކައި އުފާ ކުރަން ޖެހޭ ކަމެއް ކަަމަށެވެ.
”ގައުމަށްޓަކައި ގުރުބާން ވުމަކީ ހަމައެކަނި، ސިފައިންގެ ނޫނިއްޔާ ފުލުހުންގެ ޔުނީފޯމް އަޅައިގެން ކުރެވޭނެ ކަމެއް ނޫނޭ، އަޅުގަނޑުމެންގެ މި ގައުމީ، މި ދުނިޔެއަކީ ބަވަނަވެފައިވާ ދުނިޔެއެއް، ކުރީގައި މިނިވަންކަން ގެއްލުވާލުމަށް ނޫނިއްޔާ ގައުމުތައް އަޅުވެތިކުރަން އަންނަނީ ހަތިޔާރު ހިފައިގެން ކުރިމަތިލާން، އޭރުގައި އެކަން ކުރާ ގޮތަކަށް ނޫން، މިހާރު ދުނިޔޭގެ އެކި ކަންކޮޅުތަކުގައި ގައުމުތަކުގެ މިނިވަންކަން ނިގުޅައިގަތުމުގައި ހަރަކާތްތެރިވަނީ،“. ރައީސް ވިދާޅުވިއެވެ.
ރައީސް ވިދާޅުވި، މިއަދު ޓެކްނޮލޮޖީ ޒަމާނުގައި ނޭނގި ތިއްބާ މިނިވަންކަން ގެއްލިގެން ހިނގައިދާނެ ކަމަށެވެ. ރައީސް ވިދާޅުވީ، ދިވެހި ވަންތަކަމާއި، ހަމައެކަނި އިސްލާމް ދީނަށް ތަބާވެގެން ތިބި ބައެއް ކަަމާއި، އެހެން އެއްވެސް އެހެން ގައުމެއްގައި އަތުގައި ނެތް ހާއްސަ ސިފަތަކެއްކަމައި، އެއްބަހަކުން ވާހަކަދައްކާ، އެއް ނަސްލަކަށް ނިސްބަތްވާ ބައެއް ކަމަމާއި، މި އެއްބައިވަންތަކަން ގެއްލުވާލުމަކީ ކޮންމެހެން ކަނޑިއާއި ބަޑި ހިފައިގެން އައިސް ކުރާނެ ކަމެއް ނޫން ކަަމަށެވެ. އަދި ނުވިސްނާ ތިއްބާ މި އިގްތިސާދު އިސާހިތަކު ނައްތާލައި، އަތްމަތީގައި އޮތް މިނިވަންކަން ހުރިހަ ނަޒަރިއްޔާތަކުންވެސް އަތުން ނިގުޅައިގަތުމަކީ ދާދި ފަސޭހަ ކަމެއް ކަމަށްވެސް ރައީސް ވިދާޅުވިއެވެ.
”މިއަދު އަޅުގަނޑު މައިގަނޑު ގޮތެއްގައި ދަންނަވަން ބޭނުންވާ ވާހަކައަކީ ކޮންމެ ދިވެހި ރައްޔިތެއްގެ ފަހުރަކަށް އަދި ޒިންމާއަކަށް ދެކެވަޑައިގަންނަވާށޭ، ތިމަންނަގެ ފަރާތުންވެސް މި ގައުމުގެ މިނިވަންކަމައި، ސިޔާދަތާއި އިސްތިގުލާލު ހިމާޔަތްކޮށް، އަންނަން އޮތް ޖީލުތަކަށް ފޯރުކޮށްދިނުމުގެ ޒިންމާއެއް އޮތްކަމާއި، އެކަން ކުރެވޭނެ ކަމާއި ކުރަން ޖެހޭނެކަން،“. ރައީސް ވިދާޅުވިއެވެ.
ކޮންމެ މީހަކަށްވެސް ތަމްރީނު ދީގެން ހަތިޔާރު ނުދެވޭނެ ކަމަށާއި، އެހެން ނަމަވެސް ކޮންމެ މީހެއްގެ އަތުގައިވެސް ހަތިޔާރު އެބަ އޮތް ކަމަށް އެއީ ﷲ ދެއްވާފައިވާ ސިކުނޑި ކަމަށް ރައީސް ވިދާޅުުވިއެވެ. އަދި ހިތުގެ އަޑިން ގައުމު ދެކެ ލޯބިވެ، ގައުމާއި އެއްކޮޅަށް ކަންކަން ކުރަން އަޒުމް ކަނޑައަލައި މަސައްކަތް ކުރާހާ ހިނދަކު، މި ގައުމާއި މެދު ކަންބޮޑުވާކަށް ނުޖެހޭނެ ކަމަށްވެސް ރައީސް ވިދާޅުވިއެވެ.
އަދި އަމިއްލަ ވަންތަކަމަށް ވުރެ އިސްކުރަންވީ ގައުމު ކަމަށާއި ގައުމަށް ކަމެއް ކޮށްނުދެވުނަސް އެކަމާއި ކަންބޮޑުވުނުވުމަށް އެދޭ ކަމަށްވެސް ރައީސް ވިދާޅުވިއެވެ. އަދި ގައުމަށް އަބަދާއި އަބަދު ކުރިމަތިވާ ކަމެއްގައި ގައުމު އިސްކޮށްގެން ކުރިއަށް ދިއުމުގެ އަޒުމަކި ގައުމާއި އެއްކޮޅަށް ވިސްނުން ބެހެއްޓުން ކަމަށްވެސް ރައީސް ވިދާޅުވިއެވެ.
”އަބަދުވެސް އެ އަޒުމް ވަރުގަދަކޮށް ކުރިއަށްދާން، އަޅުގަނޑުމެން ކޮންމެ ދިވެހި ރައްޔިތަކުވެސް، ކޮންމެ ޒުވާނަކުވެސް ނިންމައިގެން ކުރިއަަށްދާނަމަ، އިރާދަކުރެއްވިއްޔާ މި ގައުމުގެ މިނިވަންކަމައި ސިޔާދަތައި އިސްތިގުލާލު އޮންނާނި، ވަރަށް ވަރުގަދަ ކަމާއި އެކުގައި“.
ރައީސް ވިދާޅުވީ، ގައުމެއް ގައުމަކަށް ވަނީ އެ ގައުމެއްގެ އަފްރާދުންގެ މައްޗަށް ކަމަށާއި، އެ ގައުމުގެ އަފްރާދެއްގެ ސިކުނޑި ވިސްނާ ގޮތެއްގެ މައްޗަށް ކަމަށެވެ. އެހެން ބަމަވެސް، ކޮންމެ އަފްރާދެއްގެ ސިކުނޑީގެ ވިސްނުން ގައުމާއި އެއްކޮަޅަށް ބޭނުން ކުރަމުން ނުދާނަމަ، ގެނެވޭ އަތްލެވޭ ތަރައްގީގެ ބޭނުމެއް ނެތް ކަމަށްވެސް ރައީސް ވިދާޅުވިއެވެ.
”މިއަދު ފެނިދާނެ އަޅުގަނޑުމެންގެ ފަތުރުވެރިކަން ނައްތާލުމަށް ފަތުރުވެރިކަމާއި ދެކޮޅަށް، މިސާލަކަށް ދިވެހިންގެ ބަޔަކު ބައިވެރިވެގެން ކުރާތަން، އަޅުގަނޑުމެން މި ދެންނެވި ކޮންމެ އަފްރާދަކު ގައުމާއި އެއްކޮޅަށް ވިސްނާނަމަ، އަތުގައި އޮންނަ ފޯނު ބޭނުންކޮށްގެން، މިހާރުގެ މީސް މީޑިއާގެ ހަގީގަތް ބޭނުންކޮށްގެން ގައުމާއި އެއްކޮަޅަށް މަސައްކަތް ކުރާނަމަ އިސާހިތަކު އެކަހަަލަ ހުރިހާ ހަމަލާތަކެއް ނައްތާލެވޭނެ، އިގްތިސާދުގެ މިނިވަންކަން ގައުމުގައި ގާއިމް ވުމަކީ ހަގީގަތުގައި ގައުމަށް މިނިވަންކަން ފުރިހަމައަށް ގާއިމްވެގެން ދިއުމުގައި ވަރަށް މުުހިންމު ކަމެއް،“. ރައީސް ވިދާޅުވިއެވެ.
ރައީސް ވިދާޅުވީ، އިސްލާމް ދީނުގައި އޮތް ގޮތަށް އަމަލާއި ބަސް އަބާއި އަބަދު ދިމާކުރަންވީ ކަމަށާއި، އެއީ އޮޕްޝަނެއް ނޫން ކަަމަށެވެ. އަދި ލިބިފައި މި އޮތް ނިއުމަތަށް ފަހުރުވެރިވާންވީ ކަމަށާއި، ފަހުރުވެރިވެވޭނީ އެއަށް އަމަލު ކޮށްގެން ކަަމަށާއި، އޭގެ ފަހުން ކާބައިން ގެނައި ގައުމު އަންނަން އޮތް ޖީލުތަކަށް ފޮރުކޮށްދިނުމުގައި އެ ގުރުބާނީތައް، ޒުވަނުންނާއި ތުއްތު ކުދިންނަސް ކިޔާދޭން ޖެހޭނެ ކަމަށް ރައީސް ވިދާޅުވިއެވެ.
”އެއާއެކު މި ދިމަވާ ކޮންމެ ކަމެއްގައި، މިހާރު އަތުގައި މި އޮންނަނީ ފޯނު، މިއީ ދުނިޔެއާ އަަޅުގަނޑުމެންނާ ގުޅުވާލަދޭ އެއްޗަކީ، ނޫނީ ކޮންމެވެސް ކަހަލަ އިލެކްޓްރޯނިކް އެއްޗެއް، މީގެން އަޅުގަނޑުމެން ގައުމު އެންމެ ބޮޑަށް ދިފާއު ކުރެވޭނީ މިހާރު، ގައުމާއި އެއްކޮޅަށް ސިކުނޑިތައް ބޭނުންކޮށްގެން، އެގޮތަށް އަޅުގަނޑުމެން ކުރިއަށްދާނަމަ ރާއްޖޭގެ މުސްތަގުބަލް އޮތީ އުޖާލާކޮށް،“. ރައީސް ވިދާޅުވިއެވެ.
