66 ރަށުގައި ދެ އަހަރު ނުވަނީ ފުލުހުންގެ ޚިދުމަތް ޤާއިމްވެގެން ދިއުމަކީ ފުލުހުންގެ ޚިދުމަތް ހިންގުމަށް ތިބި މީހުންނާއި ފުލުހުންގެ އާދަޔާ ޚިލާފު މަސައްކަތެއްކަމަށްދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހުސާން ވިދާޅުވެއްޖެއެވެ.
ވަޒީރު މިފަދައިން ވިދާޅުވީ،ރާއްޖޭގައި ފުލުހުންގެ ޚިދުމަތް ފެށުން ފާހަގަކުރުމަށާއި، ރ. އިންނަމާދޫގައި އަލަށް ޤާއިމުކުރި ފުލުހުންގެ މަރުކަޒު ރަސްމީކޮށް ހުޅުވުމަށް ބޭއްވިރަސްމިއްޔާތު ޝަރަފުވެރިކޮށްދެއްވާ ވާހަކަފުޅުދައްކަވަމުންނެވެ.
ވަޒީރު ވިދާޅުވީ މި ދައުރުގެ ތެރޭގައި މިހާރު މަސައްކަތްފަށާފައިވާ ފުލުހުންގެ އިމާރާތްތައް ނިންމާ ޤައުމީ ސަލާމަތަށް ބޭނުންވާ ހުރިހާ ޚިދުމަތެއް ފުލުހުން ދޭން ފަށާނެކަމަށާއި،މި ސަރުކާރު ހަވާލުވުމުގެ ކުރިން ރާއްޖޭގައި ފުލުހުންގެ ޚިދުމަތް ދެމުންގޮސްފައިވަނީ 121 ރަށުގައި ކަމަށާއި އޭގެ ތެރެއިން ފުލުހުންގެ އަމިއްލަ އިމާރާތްތަކުގައި ޚިދުމަތް ދެމުން އައީ 17 ރަށެއްގައި ހުރި މަރުކަޒުތަކުގައިކަމަށެވެ. އަދި ދެން ހުރި ރަށްރަށުގައި ޚިދުމަތް ދެމުންދިޔަ މަރުކަޒުތަކަކީ އެންމެ އެކަށީގެންވާ ގޮތުގައި ޖާގައާއި ވަޞީލަތްތައް ނެތް މަރުކަޒުތަކެއްކަން މިނިސްޓަރ އިޙްސާން ފާހަގަކުރެއްވިއެވެ. ހަމައެހެންމެ އާއިލާތަކާ ދުުރުގައި ފުލުހުން ޚިދުމަތް ދެމުން އަންނައިރު ފުލުހުންނަށް ދިިރުއުޅޭނެ ތަންތަން ނެތްކަންވެސް ފާހަގަކުރެއްވިއެވެ.
ވަޒީރު އިތުރަށް ވިދާޅުވީ ފުލުހުން ޚިދުމަތްދެމުންދާގޮތް ވަޒަންކުރެވޭކަމަށާއި އެ ހާލަތު ބަދަލުކުރުމަކީ ބޮޑު ޚަރަދެއް ހިނގާނެކަމެއްކަމަށެވެ. ނަމަވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިސްކުރެއްވީ ރައްޔިތުންނަށް އެންމެ ފުރިހަމައަށް ފުލުހުންގެ ޚިދުމަތް ދެވޭނެ ގޮތް ހެދުމަށްކަމަށެވެ. އެއީ ފުލުހުންގެ އަމިއްލަ މަރުކަޒުގައި ހުރިހާ ރަށެއްގައި ޤާއިމްވެ ތިބެ ޚިދުމަތް ދެވޭނެ ގޮތް ހަމަޖެއްސުންކަން ވަޒީރު ފާހަގަކުރެއްވިއެވެ.
މީގެ އިތުރުން 66 ރަށުގައި ދެ އަހަރު ނުވަނީސް ފުލުހުންގެ ޚިދުމަތް ޤާއިމްވެގެން ދިއުމަކީ ފުލުހުންގެ ޚިދުމަތް ހިންގުމަށް ތިބި މީހުންނާއި ފުލުހުންގެ އާދަޔާ ޚިލާފު މަސައްކަތެއްކަމަށް ވަޒީރު ވިދާޅުވިއެވެ.
ފުލުހުންގެ އަމިއްލަ މަރުކަޒުތައް ތަރައްޤީކުރުމުގެ މަސައްކަތް 95 ރަށުގައި ޤާއިމްކުރުމުގެ މަސައްކަތް ކުރައްވަމުން ގެންދަވާކަމަށާއި، އަދި ގިނަ އަދެއްގެ ފުލުހުން ބައެއް ހިސާބުތަކުގައި ބޭތިއްބުމަށް އެކަމަޑޭޝަން ބޮލްކްތައް ތަރައްޤީކުރުމުގެ މަސައްކަތް 4 ސަރަޙައްދެއްގައި ކުރިއަށްދާކަމަށް ވަޒީރު ވިދާޅުވިއެވެ.
އިތުރު 39 ރަށެއްގައި ފުލުހުންގެ މަރުކަޒުތައް ޤާއިމްކުރުމުގެ ޢަމަލީ މަސައްކަތް ފެށުމަށް ސޮއިކުރެވި ވާންޖެހޭ ތައްޔާރިތައް ވަމުންދާކަމަށް ވަޒީރު ވިދާޅުވިއެވެ.
