ފަރުމަސް އާލާކުރުމުގެ ހުނަރު ތަރައްގީކޮށް، މި ދާއިރާއިން ފަންނީ މީހުން އުފެއްދުމަށް ހިންގާ ”މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމް“ގައި ބައިވެރިވުމުގެ ފުރުސަތު ހުޅުވާލައިފިއެވެ.
މަސްވެރިކަމާއި ކަނޑުގެ ވަސީލަތްތަކާއި ބެހޭ ވުޒާރާއިން މިއަދު ބުނީ ކ. މަނިޔަފުށި ރިސާޗް އެންޓް ޓްރެއިނިން ފެސިލިޓީގައި އަންނަ އަހަރުގެ ޖެނުއަރީ 24 އިން ފެބްރުއަރީ 5 އަށް ކުރިއަށްގެންދާ މި ކޯހުގައި ބައިވެރިވެވޭނީ ޖުމްލަ 15 ފަރާތަކަކަށް ކަމަށެވެ.
15 ފަރާތަށްވުރެ އިތުރަށް ފޯމު ހުށަހަޅާފައިވާނަމަ ބައިވެރިން ހޮވާނީ ފޯމު ހުށަހަޅާ ތަރުތީބުން ކަމަށްވެސް އެ ވުޒާރާއިން ބުންޏެވެ.
މި ކޯސް ކުރިއަށް ގެންދިއުމަށް ހަމަޖެހިފައިވަނީ އެ ވުޒާރާއާއި މޯލްޑިވްސް މެރިން ރިސާޗް ސެންޓާ (އެމްއެމްއާރުއައި) އާއި ގުޅިގެންނެވެ.
މި ކޯހުގައި ބައިވެރިވުމުގެ ފުރުސަތު ހުޅުވާލާފައިވަނީ 11 ޖެނުއަރީ 2026 ގެ ނިޔަލަށެވެ.
ވުޒާރާއިން ބުނީ ކޯހުގެ މުއްދަތުގައި ބައިވެރިން ތިބުމަށް ހަމަޖެހިފައިވާނީ ކ. މަނިޔަފުށީގައި ކަމަށްވާއިރު ކޯހުގެ ބޭނުމަށް މާލެ އާއި މަނިޔަފުއްޓާ ދެމެދު ކުރާ ދަތުރުތަކާއި ބައިވެރިންގެ ހުރުމާއި ކެއުމުގެ އިންތިޒާމް އެ އިންސްޓިޓިއުޓްގެ ފަރާތުން ހަމަޖައްސައިދޭނެ ކަމަށެވެ.
ތަމްރީނާ ގުޅޭ އިތުރު މައުލޫމާތު ބޭނުންވާ ފަރާތްތަކުން 3322242، 9555373 ނަންބަރަށް ގުޅައިގެން މައުލޫމާތު ސާފުކުރެވޭނެ ކަމަށް ވުޒާރާއިން ބުންޏެވެ.
