ތ. އަތޮޅުން ފެށިގެން އައްޑޫ ސިޓީ އަށް ހުދު ސަމާލު ނެރެފިއެވެ.
ރާއްޖޭގެ މޫސުމާއިބެހޭ ގައުމީ އިދާރާ އިން ވިދާޅުވީ އެ ސަރަހައްދުގެ ރަށްތަކަށް ބޯކޮށް ވާރޭވެހި، ގުގުރުން އެކަށީގެންވާ ކަމަށެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވުން އެކަށީގެންވާ ކަމަށެވެ.
އެ އިދާރާ އިން އާންމުކޮށްފައިވާ މޫސުމީ ބުލެޓިންގައިވާ ގޮތުގައި ދެކުނުގެ އެކި ހިސާބަށް ވިއްސާރަކޮށް، ބައެއް ރަށްތަކަށް ވިއްސާރަކުރާނެއެވެ. އަދި ގުގުރުމާއެކު ބޯކޮށް ވާރޭވެހޭނެ ކަމަށާއި މެދުރާއްޖެތެރޭގެ އެކި ހިސާބުތަކަށް ކެރީގެ އަސަރު ފޯރާނެ ކަމަށް ވެސް ބުނެފައި ވެއެވެ.
މީގެއިތުރުން މެދުރާއްޖެތެރޭގައި ވައި ޖެހޭނީ 8 މޭލާއި 18 މޭލާ ދެމެދުގެ ބާރުމިނުގައި ކަމަށާއި އެހެން ހިސާބުތަކަށް ވައިޖެހޭނީ 5 މޭލާއި 15 މޭލާ ދެމެދުގެ ބާރުމިނުގައި ކަމަށް މެޓް އޮފީހުން ބުނެއެވެ. އަދި އުތުރުގެ ރަށްތަކުގައި އާންމުގޮތެއްގައި މޫސުން ރަނގަޅުވާނެކަމަށް ބުނެއެވެ.
މޫސުމާއިބެހޭ ގައުމީ އިދާރާ އިން މިހެން ހާކޮށްފައިވާއިރު، މާލެއަށް މިއަދު ދަނީ ދޭތެރެދޭތެރެއިން ވާރޭ ވެހެމުންނެވެ.
