އިސްރާއީލު ނައްތާލައި އެމެރިކާގެ 19 ބޭސް ފުނޑާލައި މަނަވަރުތައް ވެސް ފައްތާލާނެ ކަމަށް ބުނެ އީރާނުން ވަރަށް ވަރުގަދަ އިންޒާރެއް ދީފިއެވެ. އީރާނުން މި އިންޒާރު ދިނީ އެމެރިކާ ސިފައިން އީރާން ކައިރިއަށް ހަނގުރާމަ މަތީ މަނަވަރާއި އެތައް ހާސް ދިފައިންނާއި ހަތިޔާރާއި އެކު ޖަމާވުމުންނެވެ. ކޮންޓިންޖެންޓެއް ބަހައްޓައިފިއެވެ.
އެމެރިކާގެ އެންމެ ވަރުގަދަ ޔޫއެސްއެސް އަބްރަހަމް ލިންކަން އެއާކްރާފްޓް ކެރިއާ ފޯސް މެދުއިރުމައްޗަށް ވަނީ ޓޮމަހޯކް ކްރޫޒް މިސައިލްތަކާއި އެންމެ ފަހުގެ އެއާ ޑިފެންސް ސިސްޓަމްތައް ހިފައިގެންނެވެ.
މިކަމާއި ގުޅިގެން އީރާނުން ބުނީ އެ ޤައުމުގެ ފަސްގަނޑަށް އެންމެ ޙަމަލާ އެއް އަމާޒު ކޮށްލިޔަސް އެމެރިކާގެ ވަރުގަދަ އަސްކަރިއްޔާ ގޮވައިގެން އައިސް އޮތް މަނަވަރު ފައްތާލައި، އިސްރާއީލުގެ ވަސް ފިލުވާލައި އަދި ކިއެއްތަ؟ މެދުއިރުމައްޗާއި ޤަލްފުގައިވާ އެމެރިކާގެ 19 ބޭސް ގޮއްވާލާނެ ކަމަށެވެ.
އީރާނުން އެ އިޝާރާތްކުރީ މެދުއިރުމައްޗާއި ގަލްފް ސަރަހައްދުގައި ހުރި އެމެރިކާގެ ބޮޑެތި 19 ބޭސް ނުވަތަ އަސްކަރީ މަރުކަޒުތަކާއި ފެސިލިޓީތަކެވެ. އެއީ، މުހައްރާގު އެއާފީލްޑް (ބަހްރެއިން)؛ އަލް އުދައިދު އެއާ ބޭސް (ޤަޠަރު) އާއި ޑރ. ކޭމްޕް އަރިފްޖާން، ކޭމްޕް ބުއެރިންގް، އަލީ އަލް ސަލީމް އެއާ ބޭސް، ކޭމްޕް ޕެޓްރިއޮޓް/ކުވައިތު ނޭވަލް ބޭސް އަދި ކޭމްޕް ސްޕީއާހެޑް (ކުވައިތު)؛ އަލް ދަފްރާ އެއާ ބޭސް އާއި ޖެބެލް އަލީ ބަނދަރު (ޔުނައިޓެޑް އަރަބް އެމިރޭޓްސް)؛ ޕްރިންސް ސުލްޠާން އެއާ ބޭސް އާއި އެސްކާން ވިލެޖް (ސައުދީ ޢަރަބިއާ)؛ އައިން އަލް އަސަދު އެއާ ބޭސް އާއި އުރުބިލް އެއާ ބޭސް (ޣިރާޤް)؛ މުވައްފާޤް އަލް ސަލްތީ އެއާ ބޭސް/އަޒްރާޤް (އުރުދުން)؛ އިންސިރްލިކް އެއާ ބޭސް (ތުރްކިޔޭ)؛ އަލް ތަންފް ގެރިސަން (ސީރިއާ) އެވެ. މީގެ އިތުރުން މިޞްރާއި އިސްރާއީލުގައިވާ ތަންތަނެވެ.
އެމެރިކާ އިން ވަނީ އީރާނު ވަށާލާފައެވެ. ގަލްފާއި އަރަބި ކަނޑު ސަރަޙައްދުގައި ބޭސްތައް ހަދައިގެންނެވެ.
