ދިވެހިން ކާން މިވަގުތު އެންމެ މޮޅު ބޭސް ގުޅައަކީ ރައީސް ނަސީދު: ބަގުރޫޓް ފައްޔާޒު
ދެންމެ | 18 ޖުލައި 2024

ދިވެހިރާއްޖޭގެ ކަންކަން އިތުރަށް ގޯސްވިޔަ ނުދީ ރަނގަޅު ކުރުމަށް އަދިވެސް ކުރީގެ ރައީސް މުހައްމަދު ނަޝީދު އަކީ ވަރަށް މުހިންމު ބޭފުޅެއްކަމަށް އެމްޑީޕީގެ ޗެއާޕާސަން ބަގުރޫޓް ފައްޔާޒް އިސްމާއިލް ވިދާޅުވެއްޖެއެވެ.

ބަގުރޫޓް ފައްޔާޒް އެހެން ވިދާޅުވީ އެސްއެސްޓީވީން ރޭ ގެނެސްދިން ޕްރޮގްރާމެއްގައި ވާހަކަފުޅު ދައްކަވަމުންނެވެ. އެމަނިކުފާނު ވިދާޅުވީ ގިނަ ބަޔަކަށް އަދިވެސް އެމްޑީޕީ ސިފަވަނީ ރައީސް ނަޝީދުގެ ގޮތުގައި ކަމަށާއި، އެމަނިކުފާނަކީ ގިނަ ތަޖުރިބާތަކެއް ލިބިވަޑައިގެން ހުންނެވި ބޭފުޅެއް ކަމަށާއި، މިހާރު މިއޮތް ޙާލަތުން އަރައިގަތުމަށް މުހިންމު ފަރާތެއް ކަމަށެވެ.

އޭނާ އިތުރަށް ވިދާޅުވީ ރައީސް ނަޝީދަކީ ވަރުގަދަ ލީޑަރެއް ކަަމަށާއި، ކުރިން ވެސް އޮތް އަނިޔާވެރިކަން ނިންމުމަށް ވަރުގަދަ ލީޑަރެއްގެ ގޮތުގައި ޤުރުބާނީތަކެއް ވެވަޑައިގެންފައި ވާކަމަށާއި، މިއީ އަނެއްކާ ވެސް މަސައްކަތްތަކެއް ކުރަންޖެހިފައި އޮތް ވަގުތެއް ކަމަށެވެ.

“އަޅުގަނޑުމެންގެ މި ދިވެހިރާއްޖޭގެ ކަންކަން އަދިވެސް ގޯހަށް ދިޔަނުދީ ރަނގަޅު ކުރުމަށްޓަކާ ރައީސް ނަޝީދަކީ ވަރަށް ވަރަށް މުހިންމު ބޭފުޅެއް، [ރައީސް ނަޝީދަކީ] ވަރަށް ގިނަ ބައެއްގެ ލޯތްބާއި މަޤްބޫލުކަން ލިބިފައި ހުރި ބޭފުޅެއް.” ޓީވީ ޕްރޮގްރާމްގައި ވާހަކަފުޅު ދައްކަވަމުން ބަގުރޫޓް ފައްޔާޒު ވިދާޅުވިއެވެ.

ވަރައްޓެރި ސްރީލަންކާއަށް ދިމާވި އިޤްތިޞާދީ ތަދުމަޑުކަމާއި ބަނގުރޫޓުވެފައި އޮތް އެޤައުމުގެ އިޤްތިޞާދު ނަގާ ކޮޅަށް ޖެހުމަށްޓަކައި ސްރީލަންކާގެ ރައީސް ރަނިލް ވިކްރަމަސިންހެ ވަނީ ރައީސް މުޙައްމަދު ނަޝީދުގެ ބޭނުން ވަރަށް ބޮޑަށް ހިތްޕަވާފައެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!