1. ގޭސް އުފައްދާ ކާނާއިން ދުރުހެލިވުން: ގޭހުގެ އުނދަގޫ އެންމެ ބޮޑަށް ކުރިމަތިވާ އެއް ސަބަބަކީ ކައިބޮއި އުޅޭ ތަކެއްޗެވެ. އެގޮތުން، ތެޔޮ ގިނަ ކާނާ އަދި ތެލުލި ހެދިކާ ފަދަ ތަކެއްޗާއި، ފިޒީ ޑްރިންކްސްއާއި، ހަވާދު އަދި މިރުސް ފަދަ ތަކެތީގެ އިތުރުން ފޯކަކީވެސް ބަނޑުގައި ވައި ހެދުމަށް މަގުފަހިލުރުވާ ކާނާއެވެ. އެހެންކަމުން، ކައިބޮއި ހަދާއިރު އެތަކެތިން، ދުރުހެލިވުމަކީ ކޮންމެހެން ކުރަންޖެހޭ ކަމެކެވެ.

މީގެ އިތުރުން ފާހަގަކޮށްލަންޖެހޭ ކަމަކީ، އެކި މީހުން އާއްމުކޮށް ގޭސް ވަނީ އެކި ތަކެތި ކެއުމުން ކަމެވެ. އެހެންކަމުން، އެމީހަކު ގޭސްވާ ތަކެތި ދެނެގަނެ އެތަކެތިން ދުރުހެލިވުމަކީ މުހިންމު ކަމެކެވެ.

2. މަޑުމަޑުން ކެއުން: މާ އަވަހަށް ކެއުމަކީވެސް، ގޭސްވުމަށް މަގުފަހިވާ ކަމެކެވެ. އެހެންކަމުން، ކާއިރު ކާއެއްޗެހި ރަނގަޅަށް ހަފައިގެން ލަސްލަހުން ކާށެވެ.

3. ކުޑަ މިންވަރެއް ކެއުން: ކައި ވަގުތު ތަކުގައި ބަނޑުފުރެންދެން ގިނައިން ކެއުމުގެ ބަދަލުގައި، ގިނަ ވަގުތު ތަކަށް ބަހާލައިގެން، ކޮންމެ ވަގުތަކުވެސް ކުޑަ އެތިކޮޅެއް ކެއުމުން ހަޖަމުކުރުމުގެ ނިޒާމަށްވާ ބުރަ ކުޑަކޮށްދެއެވެ.

1. ގަވާއިދުން ކަސްރަތުކުރުން: ޖިސްމާނީ ހަރަކާތްތެރިކަމަކީ ހަޖަމުކުރާ ނިޒާމުގެ ތެރެއިން ގޭސް ބޭރުކުރުމަށް އެހީތެރިވެދޭ ކަމެކެވެ. ކެއުމަށްފަހު ވަގުތުން އޮށޯވުމުގެ ބަދަލުގައި، އޭގެ އިރުކޮޅެއް ފަހުން، ކުޑަކޮށް ހިނގާލުމަކީ ވެސް ފައިދާ ކުރާނެ ކަމެކެވެ އެވެ. އަދި އެއާއެކު ގަވާއިދުން ކަސްރަތު ކުރުމަކީވެސް ގޭހުން ސަލާމަތް ކޮށްދޭނެ ކަމެކެވެ.

2. ގިނައިން ފެން ބުއިން: ގިނައިން ފެން ބުއިމަކީ ހަޖަމުކުރުމުގެ ނިޒާމު އޮމާންކަމާއެކު ކުރިއަށް ގެންދިއުމަށް އެހީތެރިވެދޭ ކަމެކެވެ.

3. ޗުއިންގަމް އާއި ސްޓްރޯ މެދުވެރިކޮށް ބުއިމުން ދުރުހެލިވުން: މިދެކަމުގެ ސަބަބުން ގޭސް އުފެދުމަށް މަގުފަހިކޮށްދެއެވެ.

1. ޕެޕަމިންޓް ސައި:  ޕެޕަރމިންޓް، އިނގުރު، އަދި ކެމޮމައިލް ސައިތަކަކީ ހަޖަމުކުރުމުގެ ނިޒާމަށް ލުއިކޮށްދީ ގޭސް މަދުކޮށްދޭ އެއްޗެކެވެ.

2. ޕްރޮބަޔޮޓިކްސް: މި ފައިދާހުރި ބެކްޓީރިއާތަކަކީ ގޮހޮރުގެ ފްލޯރާ ބެލެންސްކޮށް ގޭސް އުފެއްދުން މަދުކުރުމަށް އެހީތެރިވެދޭ ބެކްޓީރިއާތަކެކެވެ. ލައިވް ކަލްޗަރސް ނުވަތަ ޕްރޮބަޔޮޓިކް ސަޕްލިމެންޓްތަކާއެކު ޔޯގަޓް ބޭނުންކުރުމަކީ ގޭހުން ސަލާމަތްވުމަށް އެހީތެރިވެދޭނެ ކަމެކެވެ.

ކެއިންބުއިމުގައި ސަމާލުވުމަކީ އިސްލާމްދީން ވަރަށް ބޮޑަށް ބާރުއަޅާ ކަމެކެވެ. އެގޮތުނަ، މިންހެޔޮ ކެޔުމެއް ކެއުމާއި، މާގިނައިން ކެއުމުން ދުރުހެލިވުމުގެ އިތުރުން، ލަސްލަހުން ރަނގަޅަށް ހަފައިގެން ކެއުމަށް ވަނީ އިރުޝާދު ދެއްވާފައެވެ. ރަސޫލާ މުޙައްމަދު ޞައްލަالله ޢަލައިހި ވަސައްލަމަ އަހަރެމެންނަށް އިރުޝާދު ދެއްވާފައިވަނީ، މެދުމިނުގައި ކެއުމާއި ބަނޑުގެ ތިންބައިކުޅަ އެއްބައި ކެއުމަށް ބެހެއްޓުމަށެވެ. އެނެއް ތިންބައިކުޅަ އެއްބައި ޚާއްޞަ ކުރަން ޖެހެނީ ބޯ ފެނަށެވެ. ބާކީ ހުރި ތިންބައިކުޅަ އެއްބައި ބަހައްޓަން ޖެހެނީ ހުސްކޮށެވެ. މިއީ ފުއްޕާމޭގެ މައްސަލަ ތަކާއި ހަޖަމުކުރުމުގެ އެހެނިހެން މައްސަލަތަކުން ރައްކާތެރިވުނަށް އެހީތެރިވެދޭ ކަމެކެވެ.

ކާނާއަށް ބަދަލު ގެނައުމާއި، ދުޅަހެޔޮ ދިރިއުޅުމުގެ އާދަތައް ގެންގުޅުމަކީ ބަނޑުގެ ވައި އުފެދުމުގެ މައްސަލަ މަދުކުރެވޭނެ ކަމެކެވެ. ނަމަވެސް ރަނގަޅު ނުވެ ގިނަ ދުވަސްވާނަމަ، ނުވަތަ ހާލަތު ގޯސްވެއްޖެނަމަ އަބަދުވެސް ސިއްހީ ދާއިރާގެ ޕްރޮފެޝަނަލަކާ މަޝްވަރާ ކުރުމަށް ވިސްނާށެވެ.