އޭސީސީގެ ލަފާގެ މަތިން ފެނަކައިގެ ކަންކަން ހަރުދަނާ ކުރަން މަސައްކަތް ކުރާނެ ކަމަށް އެ ކުންފުނިން ހާމަކޮށްފިއެވެ.
ފެނަކަ ކޯޕަރޭޝަނުން މިއަދު ބުނީ އެންޓި ކޮރަޕްޝަން ކޮމިޝަންގެ އިސްބޭފުޅުންނާއެކު އެ ކުންފުނީގެ އިސްފަރާތްތަކުން އިއްޔެ ބައްދަލުވުމެއް ބާއްވާފައިވާ ކަމަށެވެ. އެގޮތުން އެބައްދަލުވުމަކީ އޭސީސީގެ ތަޖުރިބާގެ އަލީގައި، ފެނަކައިގެ ހިންގުން އިތުރަށް ހަރުދަނާ ކުރުމަށް އެކުލަވާލަންޖެހޭ ސްޓްރެޖީތަކާމެދު މަޝްވަރާ ކުރުމަށް ބޭއްވި ބައްދަލުވުމެއް ކަމަށް ފެނަކައިން ބުނެފައިވެއެވެ.
އޭގެ އިތުރުން ފެނަކައިން ބުނީ އެކުންފުނީގެ މަސައްކަތްތައް ނަޒާހަތްތެރިކަމާއެކު ކުރިއަށް ގެންދިއުމަށްޓަކައި ކުރަންޖެހޭ ހުރިހާ މަސައްކަތެއް މެނޭޖްމަންޓުން ކުރާނެ ކަމަށެވެ.
ގުޅުންހުރި ލިޔުންތައް
