ޑިމޮކްރެޓިކްސްގެ ރައީސް ކަމަށް އިންތި ނައިބަކަށް ވައްޑެ އިންތިހާބު ކޮށްފި
ދެންމެ | 27 ޖެނުއަރީ 2025

ޑިމޮކްރެޓިކް ޕާޓީ އޮފް މޯލްޑިވްސް (ޑިމޮކްރެޓްސް)ގެ ރައީސްކަމުގެ މަޤާމަށް އެ ޕާޓީގެ ތަރުޖަމާނު އަދި ރައްޔިތުންގެ މަޖިލީހުގެ މާފަންނު އުތުރު ދާއިރާގެ ކުރީގެ މެންބަރު އިމްތިޔާޒް ފަހުމީ (އިންތި) މިރޭ ހޮވައިފިއެވެ.

މީގެ އިތުރުން އެ ޕާޓީގެ ނައިބު ރައީސްގެ މަޤާމަށް ކުރީގެ މެންބަރު މުޙައްމަދު ވަހީދު (ވައްޑޭ) ހޮވިފައިވެއެވެ.

މިރޭ ބޭއްވި ޑިމޮކްރެޓްސްގެ ޤައުމީ މަޖިލީހުގެ ބައްދަލުވުމުގައި މި ދެ މަޤާމަށް ވޯޓު ނަގާފައިވާއިރު، މި ދެ މަޤާމަށް ވެސް ކުރިމަތިލެއްވީ އެންމެ ބޭފުޅަކު ކަމަށްވާތީ، ވާދައެއް ނެތި އިންތި އާއި ވައްޑޭ ހޮވުނީއެވެ. އިންތި ރައީސްކަމުގެ މަޤާމަށް ހޮވުނީ 34 ވޯޓުންނެވެ.

ޑިމޮކްރެޓްސްގެ ރައީސްކަމުގެ މަޤާމު ހުސްވެފައިވަނީ ކުރީގެ ރައީސް ހަސަން ލަތީފް އިސްތިއުފާ ދެއްވައި އެމްޑީޕީއަށް އެނބުރި ވަޑައިގަތުމާ ގުޅިގެންނެވެ. އަދި ނައިބު ރައީސްގެ މަޤާމު ހުސްވެފައިވަނީ ކުރީގެ ނައިބު ރައީސް މުޙައްމަދު ޝިފާޒް (ޝިއްޕެ) ޕާޓީން ވަކިވުމާ ގުޅިގެންނެވެ.

މިރޭގެ ޖަލްސާގައި، ވަގުތީ ގޮތުން ރައީސްކަމުގައި ހުންނެވި ޕާޓީގެ ނައިބު ރައީސް އަދި މަޑަވެލި ދާއިރާގެ ކުރީގެ މެންބަރު މުޙައްމަދު ފިރުޝާން ވަނީ ޖަލްސާގެ ރިޔާސަތު އިންތިއަށް ހަވާލުކުރައްވާފައެވެ.

ގުޅުންހުރި ލިޔުންތައް

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!