އިރާނު ރައްޔިތުންގެ ތެރެއިން ޝަހީދުކޮށްލާ ކޮންމެ ޝަހީދެއްގެ ބަދަލުގައި 10 މީހުން ނެރޭނެކަމަށާއި ވެ އުއްމަތުގެ ޝަހީދުންގެ ދިދަ އުފުލާނީ އިރާނުންކަމަށް އިރާނުގެ ރައީސް މަސްއޫދު ޕެޒެޝްކިއަން ވިދާޅުވެއްޖެއެވެ.
ގައުމާ މުހާތަބުކުރައްވައި ވާހަކަފުޅު ދައްކަވަމުން ރައީސް މަސްއޫދު ވަނީ އިރާނުގެ އަސްކަރީ ސަފުތައް ބަދަހިކޮށް ސަހުޔޫނީ ދުޝްމަނުންނާ ކުރިމަތިލުމަށް ގޮވާލައްވާފައެވެ.
އިރާނަށް ޒަޔަނިސްޓުން ދިނަ ހަމަލާތަކާއި އެކު ޝަހީދުވީ މީހުންގެ ހަނދާންތައް އައުކުރައްވަމުން ރައީސް މަސްއޫދުވަނީ އިރާނު ރައްޔިތުންގެ ތެރެއިން ޝަހީދުކޮށްލާ ކޮންމެ ޝަހީދެއްގެ ބަދަލުގައި 10 މީހުން ނެރޭނެކަމަށް ވިދާޅުވެ އުއްމަތުގެ ޝަހީދުންގެ ދިދަ އުފުލާނީ އިރާނުންކަމަށް ވިދާޅުވެފައެވެ.
އީރާނަކީ ސަހުޔޫނީން އެ ސިފަކުރާފަދަ އަނިޔާވެރި ގައުމެއް ނޫންކަމަށާއި އިސްރާއީލުގެ ހަމަލާއާ ކުރިމަތިލުމަށް އިރާނުގެ ހުރިހާ ރައްޔިތުންވެސް ތިބެންވާނީ އަތާއި އަތް ގުޅުވާލައިގެންކަމަށް ވިދާޅުވިއެވެ.
އިރާނާއި އަދި އިސްލާމީ އުއްމަތުގެ ދިފާއުގައި އިރާނުން މަސައްކަތްކުރާނެކަމުގެ ޔަގީންކަން ރައީސް މަސްއޫދުވަނީ ތަކުރާރުކޮށް އިސްލާމީ އުއްމަތަށްދެއްވާފައެވެ.
ރައީސް މަސްއޫދު ވިދާޅުވީ އިސްރާއީލުން މިހާރު ދެމުންދާ ހަމަލާތަތަކުން އީރާނުގެ ރައްޔިތުން ނައްތާލެވޭނެ ކަމަކަށް ނުދެކޭ ކަމަށެވެ.
ނިއުކްލިއަރ ހަތިޔާރު އުފެއްދުމުގެ އެއްވެސް ނިޔަތެއް ނެތްކަމަށާއި ނަމަވެސް ހަކަތައަށް ބޭނުންވާ ޔުރޭނިއަމް އުފެއްދުން ކުރިއަށް ގެންދާނެ ކަމަށް ރައީސް މަސްއޫދުވަނީ ވައުދުވެވަޑައިގެންފައެވެ. އަދި ނިއުކްލިއާ ހަކަތައިން ފައިދާ ހޯދުމުގެ ހައްގު އީރާނަށް ލިބިގެންވާ ކަމަށް ވެސް ރައީސް ވިދާޅުވިއެވެ.
