ރައީސް ނަސީދާއި ފައްޔާޒު ބައްދަލުކޮށް، އިބޫ އެމްޑީޕީން ބޭރު ކުރުމުގެ މަސައްކަތް ފަށައިފި އެވެ.
މިބައްދަލުވުމުގައި ބައިވެރިވި ބޭފުޅަކު ވިދާޅުވީ ރައީސް ސޯލިހް އެމްޑީޕީން ބޭރު ކުރުމާއި ޕާޓީގެ ހަރަކާތްތަކުން އެކަހެރި ކުރުމުގެ މަސައްކަތް ކުރިއަށް ގެންދިއުމުގެ މަސައްކަތްތައް ކުރިއަށް ގެންދިއުމަށް ނަސީދާއި ފައްޔާޒު އެއްބަސްވެފައިވާ ކަމަށެވެ.
މިހާރު އެމްޑީޕީ ޗެއަރޕާޝަންކަން ކުރައްވާ ފައްޔާޒު ގެންދަނީ އަންނަ ރިޔާސީ އިންތިހާބުގައި ވާދަ ކުރައްވާނެ ކަމަށް ވިދާޅުވަމުން ނެވެ.
“ރައީސް ނަޝީދާއި ޑިމޮކްރެޓްސްގެ މެންބަރުން ދެއްވި މެންދުރުގެ ކެއުމަށް ވަރަށް ބޮޑަށް ޝުކުރިއްޔާ. ސިޔާސީ މަޝްރަހަށް އަންނަ ބަދަލުތަކާއި ކުރިއަށް ކުރާން ހުރި މަސައްކަތާ ގުޅޭގޮތުން ވަރަށް ފުޅާ ދާއިރާއެއްގައި ޚިޔާލުބަަދަލުކޮށްލެވިއްޖެ. ގައުމު އަނބުރާ ހަމަމަގަށް އެޅުވޭނީ އިސްލާހަށް މަސައްކަތްކުރާ އެންމެން އެކުގައި މަސައްކަތް ކޮށްގެން.“ ބައްދަލުވުމަށް ފަހު ފައްޔާޒު ކޮށްފައިވާ ޓުވީޓު.
