އިޒްރޭލަށް ރެއަކީ ބިރު ބޮޑު ވޭން ގަދަ ރެއެކެވެ. ބައެއް މިސައިލްތައް އެ ގައުމަށް އެރިއިރު ސައިރެންގެ އަޑެއްވެސް ނީވެއެވެ. ރައްޔިތުން ތިބީ ”ސަޕްރައިޒް“ ވެފަ އެވެ. ވަރުގަދަ ހަމަލާތައް އައްޑަނަތައް ފޫއަޅުވާލައި ދިޔައި އަރަމުންނެވެ. ބައެއް ފަހަރު ސައިރެންގެ އަޑު އިވުނު ނަމަވެސް ޖައްވުން މިސައިލެއްގެ އަސަރެއް ވެސް ނުފެނެ އެވެ.
ފޯނުގެ ހިދުމަތަށް އޮތީ ބުރޫ އަރާފަ އެވެ. މުޅި ގައުމު އޮތީ އީރާނުން ދީފައިވާ ސައިބަ ހަމަލާތަކުގެ ތެރޭގައި ތާށިވެފަ އެވެ. އެ ގައުމުގެ ގައުމީ ޓީވީ ހުސްކުރަން ޖެހުނެވެ. އެ ޗެނަލްގެ ހިދުމަތް ވެސް ރަނގަޅަށް ނުލިބެ އެވެ. ޓީވީ ފެންނަނީ ކެނޑިކެނޑިގެންނެވެ. އިޒްރޭލު މީހުން ރޭ ހަތަރުދަމާއިތިބީ ބަންކަރުތަކުގެ އަޑީގަ އެވެ. ތިބީ ވާނުވާގަ އެވެ. ބޭރަށް ހަބަރު ދާން ވީޑިއޯއެއް ރެކޯޑް ވެދާނެތީ އިޒްރޭލު ސަރުކާރުން އެ ގައުމުގެ ހުރިހާ ސިސީޓީވީތަކެއް ހުރީ ނިއްވާލާފަ އެވެ. އެ ގައުމުގެ މަންޒަރުތައް ބޭރަށް ދައްކާ ނޫސްވެރިންގެ މަސައްކަތްތަކަށް ހުރަސް އެޅި އެވެ. އެކަމަކު އިރު އެރުމުގެ ކުރިން ލިބުނު ހަބަރަކީ ހައިފާގައި ހުންނަ ރިފައިނަރީ ހަލާކުކޮށްލާފަ އޮތް ހަބަރެވެ. އެތަނުގެ ހިދުމަތް ވަނީ މެދުކެނޑިފަ އެވެ. މިއީ އެ ގައުމަށް ތެޔޮ ފޯރުކޮށްދޭ މުހިންމު މަރުކަޒެކެވެ.
ރޭގެ ހަމަލާތަކުގައި އަސްކަރީ ބޭސްތަކަކަށް ވެސް ހަމަލާ އެރިކަމަށްވެ އެވެ. މިއަށްވުރެ ބޮޑު ގެއްލުމެއް އެ ގައުމަށް ރޭ ލިބިފައިވާނެ ކަމަށް މިހާރު ވަނީ ބެލެވިފަ އެވެ. ނަތީޖާޢަކީ ކުރިއަށް އޮތް މަދު ގަޑިތަކުގެ ތެރޭގައި އެމެރިކާ ސަރުކާރުން މި ހަނގުރާމައިގެ ތެރެއަށް ރަސްމީކޮށް ވަންނާނެ އެވެ. ރައީސް ޓްރަމްޕް މި ހަނގުރާމައިގެ ތެރެއަށް އެމެރިކާ ވައްދަން ހާއްސަ ރިޔާސީ ގަރާރެއްގައި މިއަދު ސޮއިކުރައްވާނެ އެވެ.
