ލ. ފޮނަދޫގެ މައި މަގުތައް ހެދުމުގެ މަޝްރޫއުގެ 78 ޕަސަންޓް މަސައްކަތް ނިމިފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުންޏެވެ. މިއަދު އެ ކުންފުނިން ހިއްސާކުރި ޕޯސްޓެއްގައި މިކަން ހާމަކޮށްފައިވެއެވެ.
އެމްޓީސީސީން އިތުރަށް ބުނިގޮތުގައި ފޮނަދޫގެ އާލީ ހިނގުމާއި މިހިރި މަގު، އަދި ސަރަހައްދީ މަގުގައި ކުރިއަށްދާ އޭބީސީ އަދި ސަބްބޭސްގެ މަސައްކަތްތަކުގެ 74 ޕަސަންޓް ނިމިފައިވެއެވެ. މި މަޝްރޫއުގެ ދަށުން ސަބް-ބޭސް ތައްޔާރުކުރުމާއި، އަސްފަލްޓް ވެއަރިންގ ކޯސް އަދި ފުޓްޕާތު ތައްޔާރުކުރުމާއި މަގު ހުރަސްކުރާ ސިގްނަލްތައް ހަރުކުރުމާއި މަގުބައްތި ހަރުކުރުމުގެ އިތުރުން ވާރޭ ފެން ހިންދާ ނިޒާމް ގާއިމުކުރުން ހިމެނެއެވެ.
ފޮނަދޫގެ މައި މަގުތައް ހެދުމުގެ މަޝްރޫއު އެމްޓީސީސީއާ ހަވާލުކޮށްފައިވަނީ ހައުސިން އެން ކޮންސްޓްރަކްޝަން މިނިސްޓްރީ އިންނެވެ.
