މާދަމާރޭ ވިލިމާލޭގެ ރައްޔިތުންނާއިއެކު ރައީސުލްޖުމްހޫރިއްޔާ ޑރ. މުހަންމަދު މުއިއްޒު ބައްދަލުކުރައްވަން ނިންމަވައިފިއެވެ.
މިއަދު މެންދުރުގެ ވަގުތެއްގައި ރައީސްގެ ތަރުޖަމާނު ހީނާ ވަލީދު އެކްސްގައި ކުރެއްވި ޓްވީޓެއްގައި ވާގޮތުން ވިލިމާލޭގައި ދިރިއުޅުއްވާ ރައްޔިތުންނާ ރައީސް ބައްދަލުކޮށްލެއްވުމަށް ބޭއްވޭ ބައްދަލުވުން 2025 ނޮވެމްބަރު 23 ވާ އާދީއްތަ ދުވަަހުގެރޭ 20:30ގައި ވިލިމާލޭ މުޙްޔިއްދީން ސްކޫލްގައި އޮންނާނެއެވެ.
މި ބައްދަލުވުމަކީ ރައްޔިތުންނާ ގާތުން ބައްދަލުކުރައްވައި އެކި ކަންކަމުގައި ރައްޔިތުންގެ ޚިޔާލާއި މަޝްވަރާ ހޯއްދެވުމަށް، މާލެ ސަރަޙައްދުގައި ދިރިއުޅުއްވާ ރައްޔިތުންނާ ބައްދަލުކުރެއްވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އިސަނަްގަވައިގެން ކުރިއަށްގެނަދެވޭ ބައްދަލުވުމެކެވެ.
އެހެންކަމުން ހީނާ ވަނީ ވިލިމާލޭގައި ދިރިއުޅުއްވާ ހުރިހާ ރައްޔިތުންނަށް މި ބައްދަލުވުމުގެ ދަޢުވަތު އަރުވާފައެވެ.
